|
Eqqarsaatersuuteqallaraagut suna pisoq eqqarsalertitsisarmat
Uanilu inuit allat eqqarsaatersuutiminnik oqaasiit aamma issuaaffigisassavakka.
Misiginngitsukasaasusi inuup eqqumiitsumik silarsuaqartup silarsuaanut pisilerpassi, inuit allat aamma eqqarsaatersuutaannik isuaaniarnikkut. Kisiannili inuup oqaasii inuup qanoq inissisimaneranik oqaluttuarput, qanorlu isumaqarneranik. Tamannalu kukkunerunngilaq! Naamerluinnaq! Tamatta assigiinngitsunik isummanut arlalinnut akissutissaqartarpugut, inuillu namminneq isummertut isumaat taakkununnga eqqortuuvoq kukkunerunanilu, allat isumaat eqqarsaatigilerlugit namminnerminnut ineriartuutiginissaa angutserlugu.
Aap, Inuuneq kukkunerunngilaq, kukkunerusimanngisaannarpoq. Inuuneqartuarsimavoq! Suummi tamarmik inuuneqarput Silamut allaat inuuneqarmat toqussutiginagu anersaartorfigaarput. Soorluttaaq aamma suut tamaasa uumassuseqarmata inoqartittarivut. Taamatut siulivut eqqarsartarsimapput; qujanartumillu aamma suli tamakku pigaavut misigalugillu. Uagulli inuttut timeqarnitsinni inuunerput tassannga aallartiffeqartutut oqaluttuatsinni aamma pigaarput, tassaammat inuup timaata eqqarsartaasitsinnut sunniinerata, timerpullu inuunermik aallartiffeqarlunilu killeqarmat, suut tamarmik aallartiffeqartutut killeqartutullu nalilersulerpavut.
Inuuneq taannaajuarpoq! Assigiinngitsutigullu takusassaallunilu misigisassaavoq. Uagulli timitsinni atukkatsinni kisiat nalilerniartalersimavarput, tigussaasut kisiisa sammilersimagatsigit. Taamaattumik siulivut tunuppavut, naak taakku inuunermik tunigaatigut siunnersorusullutalu. Tamannalu anersaarput qimakkatiguli inuttut inuunerput allannguuteqarpoq, allanik naleqartitsilerluta naleqartitavut saakkatsigit. Tamanna soorunami aamma kukkunerunngilaq, aqqutissaappallu aqqussaagassaalluni. Uparuaruminartullu amerlatillugit soorluuna uparuagaq suli kukimminnarsisartoq. Tikkuaasulli malugisanngilaa, ataasiinnarmik tikkuaalluni assammili pingasut peqissimasut imminut tikkuaraanni!
"Angakkup apeqqutip akissutaa ilisimanngilaa, siulini aatsaat siunnersoqqaarlugit akissut pisinnaagamiuk."
"Inuuneq tassaanngilaq tikitassaq kisiat siunniutissallugu, angalanerulli tupinnartui misigissallugit"
"Anguniagaqartilluta anguniakkap naammassinissaa kisiat siunniuppallaartarparput, aqqutaalu misiginngitsoorlugu!"
"Apartheid-i suli misigiuarparput. Isumaqanngilanga demokrati uagutsinnut atuuttuutissalluni pilersinneqartoq. Suli qernertunik amillit Mandela Park-imi najugaqarput maannilu Cape Flats-imi qalipaatilinnik ameqartugut kisitta najugaqarluta qaamasunillu amillit akimasuumi Bishop Couts-imi suli kisimik najugaqartinneqarlutik."
Clive Jacobs, Cape Flats, Cape Town, South Africa
"Sumut iluaqutaava iliarsorortunut, uillarninngortunut, angerlarsimaffeeruttunullu tamanut pitsaanerutinneqartussaq aammalu demokratiip aqqani inuit tamarmik kiffaanngissuseqarnissaat oqartussaanissaalu sakkugalugu, silaaruttutut suut tamaasa piuneerullugit aserortillugillu inuuneerullugillu tamanna pilissappat!"
Ghandi
"Annaassisorsi Kristusi nuannaraara asallugulu, Kristumiulli nuannarinagit! Annaassisimmi Kristusip oqaasii malinngivimmatigit!"
Ghandi
"Suulluunniit anguniakkat allanit uppernarsaallutik uparuartorneqartuassapput. Sunaluunniit anguniagaq aporfissaqartinniarneqartuarmat, taamaaliortullu upperiumanartarlutik. Anguniagarli aalajangiunniaraanni, sapiitsuusariaqarpoq anguniakkap inissaanut killitserlugu."
Ralph Waldo Emerson
"Illugisat ilinnut ilinniartitsisuuvoq, ilinnilli siunnersuillunilu periarfissiuisoq tassavoq ilinnut aappaasoq"
Hivshu
"Asanninneq ilungersunanngilaq! Asanninneq allamik pisariaqartitsinngimmat, asasarli asassallugu!"
"Kiinallit inoqatinnut sammisinnaviikkit, siulivit toqqutigeqinavaat! Ilinnut inoqatinullu tamanut aamma toqqutaalerluni!"
Inuit oqaasitoqaat
Misigissuseq parnguttarpoq suut tamarmik silatusaarpallaarnialersaraangata!"
Leonardo Da Vinci
"Inuit kisimik kiffaanngissusiiagaanngitsut isumaqatigiinniarsinnaapput. Inuup kiffaanngissusiiagaasup isumaa torrunneqareersimasarmat!"
Nelson Mandela
"Aqqut nassaarissaqqaarpara, taamaanngippat nammineq aqqusinniussaanga!"
Admiral Robert E. Peary
|